सांगली : सांगलीमधून एक भीषण अपघाताची (Sangli Accident) घटना समोर आली आहे. यामध्ये ऊसतोड मजूरांना घेऊन जाणाऱ्या ट्रॅक्टरचा अपघात झाला आहे. हा अपघात इतका भीषण होता की यात चार जणांचा जागीच मृत्यू झाला. तर,10 ते 12 लोक जखमी झाले आहेत. ऊसतोड मजुरांला घेऊन जाणाऱ्या ट्रॅक्टरला एका ट्रकने मागून धडक दिल्यामुळे हा भीषण अपघात झाला.
काय घडले नेमके?
सांगली सोलापूर महामार्गावर हा अपघात झाला. ऊस तोडणीचे काम संपवून घराकडे परतत असताना रस्त्यालगत थांबल्यानंतर पाठीमागून ट्रकने दिलेल्या धडकेत ऊसतोडणी मजुरासह चौघांचा मृत्यू झाला. तर तब्बल 10 जण जखमी झाले आहेत. मृतातील तिघे चिखलगीचे तर एक जण शिरनांदगीचा आहे. सदरची घटना नागपूर रत्नागिरी महामार्गावर कवठेमंकाळ तालुक्यातील नागज फाट्याजवळ मध्यरात्री दोन वाजताच्या सुमारास घडली. मृतांमध्ये दोन महिला, एक मुलगा आणि एका लहान मुलीचा समावेश आहे.
शालन दत्तात्रय खांडेकर (वय 30 रा. शिरनांदगी), जगमा तम्मा हेगडे (वय 35),दादा आप्पा ऐवळे (वय 17) निलाबाई परशुराम ऐवळे (रा.चिक्कलगी) अशी या अपघातामध्ये मृत पावलेल्यांची नावे आहेत. या अपघातातील जखमींना उपचारासाठी कवठेमहांकाळ आणि मिरज या ठिकाणी पाठवण्यात आले आहे. या घटनेमुळे परिसरात एकच खळबळ उडाली.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Chandrakant Patil : आमदार चंद्रकांत पाटील यांच्या गाडीचा अपघात
