Nilesh Ghaywal gang Kothrud Arrest: कोथरूड परिसरात गेल्या काही वर्षांपासून आपली दहशत पसरवणाऱ्या कुख्यात गँगस्टर निलेश घायवळच्या (Nilesh Ghaywal gang Kothrud Arrest) टोळीचा माज अखेर कोथरूड पोलिसांनी उतरवला. दोन दिवसांपूर्वीच या टोळीतील पाच जणांनी किरकोळ कारणावरून एका तरुणावर गोळीबार केला होता, तर दुसऱ्या एका तरुणावर कोयत्याने प्राणघातक हल्ला केला होता. मात्र, गुन्हेगारांनी ज्या ठिकाणी आपला हैदोस घातला होता, त्याच ठिकाणी पोलिसांनी त्यांची धिंड काढून त्यांचा माज उतरवला. पोलिसांच्या या धडक कारवाईमुळे गुन्हेगारांमध्ये भीतीचे वातावरण निर्माण झाले असून, सर्वसामान्य नागरिकांनी सुटकेचा निःश्वास टाकला आहे.
Cash Seizure at Pune Railway Station: पुणे स्टेशनवर RPF ची मोठी कारवाई: ५१ लाखांची रोख रक्कम जप्त
रविवारी मध्यरात्रीच्या सुमारास निलेश घायवळ टोळीतील मयूर कुंबरे, मयंक व्यास, गणेश राऊत, दिनेश फाटक (Nilesh Ghaywal gang Kothrud Arrest) आणि आनंद चादलेकर या पाच जणांनी कोथरूडमध्ये दहशत माजवली. ओव्हरटेक करण्याच्या क्षुल्लक वादातून त्यांनी मुठेश्वर मित्र मंडळाजवळ 36 वर्षीय प्रकाश धुमाळ नावाच्या व्यक्तीवर गोळीबार केला. सुदैवाने, या हल्ल्यात प्रकाश धुमाळ थोडक्यात बचावले. या घटनेनंतर काही मिनिटांतच, याच टोळीने जवळच्या सागर कॉलनीमध्ये वैभव साठे नावाच्या तरुणावर कोयत्याने वार केले. या दोन्ही हल्ल्यांमुळे परिसरात मोठी घबराट पसरली होती. हल्ला केल्यानंतर सर्व आरोपी फरार झाले होते.
या घटनेची माहिती मिळताच कोथरूड पोलिसांनी तात्काळ कारवाई सुरू केली. पोलीस उपायुक्त संभाजी कदम यांच्या (Nilesh Ghaywal gang Kothrud Arrest) मार्गदर्शनाखाली पोलीस निरीक्षक, गुन्हे शाखा आणि स्थानिक पोलिसांच्या पथकांनी आरोपींचा शोध घेण्यासाठी युद्धपातळीवर प्रयत्न केले. 24 तासांच्या आत पोलिसांनी आरोपींचा शोध घेऊन त्यांना अटक केली.
SUSHMA ANDHARE ON ANJALI DAMANIA: पवार,ठाकरे आडनाव समोर असलं की अंजली दामनियांना लढण्याची शिरशिरी
या कारवाईनंतर पोलिसांनी एक कठोर संदेश देण्यासाठी आरोपींना ज्या ठिकाणी त्यांनी गुन्हे केले, त्याच ठिकाणी अनवाणी पायांनी त्यांची धिंड काढली. पोलिसांनी आरोपींच्या चेहऱ्यावरील कापड बाजूला करून त्यांना परिसरात फिरवले, ज्यामुळे स्थानिकांना त्यांना ओळखता आले. आरोपींना अटक केल्यानंतरची ही कठोर कारवाई सामाजिक माध्यमांवरही व्हायरल झाली. या घटनेचे व्हिडिओ मोठ्या प्रमाणात प्रसारित झाले असून, लोकांनी पोलिसांच्या या धडक कारवाईचे कौतुक केले आहे.
पोलीस उपायुक्त संभाजी कदम यांनी सांगितले की, “कायदा मोडणाऱ्या कोणत्याही व्यक्तीला कठोर शिक्षेचा सामना करावाच लागेल. आम्ही हे स्पष्ट करू इच्छितो की पुणे पोलिसांच्या कार्यक्षेत्रात कुणाचीही दादागिरी चालणार नाही. ज्यांनी समाजात दहशत निर्माण केली आहे, त्यांना कायदा आणि सुव्यवस्थेचे महत्त्व समजून घेण्यासाठी ही कारवाई करण्यात आली आहे.”
NILESH GHAIWAL GANG VIDEO : कोथरूडमध्ये गोळीबार करणाऱ्या आरोपींची पोलिसांनी काढली धिंड
या कारवाईमुळे कोथरूड परिसरात शांतता आणि सुव्यवस्था राखण्यासाठी पोलिसांचा निर्धार पुन्हा एकदा सिद्ध झाला आहे. या घटनेनंतर कोथरूडमधील नागरिकांनी सुरक्षिततेची भावना व्यक्त केली आहे आणि पोलिसांच्या कारवाईचे समर्थन केले आहे.
पोलिसांनी या टोळीचा पर्दाफाश केल्यामुळे परिसरात गेल्या काही दिवसांपासून असलेला तणाव आता कमी झाला आहे. गुन्हेगारीला आळा घालण्यासाठी आणि समाजात शांतता राखण्यासाठी पोलीस सतर्क असल्याचे या कारवाईतून दिसून येते.
