Mira Road Murder Case

मीरारोड हत्या प्रकरणात आरोपीने केला ‘हा’ मोठा खुलासा; म्हणाला ती माझ्या मुलीसारखी…

19290 0

मुंबई : मिरारोडच्या गीतानगरमध्ये एका व्यक्तीने लिव्ह इन पार्टनरची निर्घृणपणे हत्या केल्याची घटना उघडकीस येताच मोठी खळबळ माजली होती. या हत्येने संपूर्ण शहर हादरलं होतं. मीरा रोड हत्या प्रकरणी आता आरोपीने जबाब दिला असून त्यामध्ये त्याने अनेक धक्कादायक खुलासे केले आहेत. आरोपी मनोज साने याने लिव्ह इन पार्टनर सरस्वतीची हत्या केल्यानंतर तिच्या शरीराचे तुकडे केले. ते तुकडे प्रेशर कुकरमध्ये शिजवले आणि फेकून देऊन पुरावे नष्ट करण्याचा प्रयत्न केला.

आरोपीने केला मोठा खुलासा?
“सरस्वती वैद्य माझ्या मुलीसारखी होती. तिने 3 जून रोजी आत्महत्या केली होती. माझ्यावर गुन्हा दाखल होईल या भीतीने मृतदेहाची विल्हेवाट लावण्याचा मी प्रयत्न केला. त्यानंतर स्वतःचे आयुष्यही संपवण्याचा माझा प्लॅन होता. या घटनेची माहिती मिळाल्यावर पोलीस घटनास्थळी दाखल झाले होते.

कशाप्रकारे केला खून?
पोलिसांनी दिलेल्या माहितीनुसार, मनोज सानेकडून करण्यात आलेल्या दाव्यांची पडताळणी केली जात आहे. इलेक्ट्रिक ट्री कटरने मृतदेहाचे लहान लहान तुकडे केल्यानंतर ते प्रेशर कुकरमध्ये शिजवण्यात आले होते. ते तुकडे सहज फेकता यावेत यासाठी त्याने हे कृत्य केले. मृतदेहाचे हे तुकडे त्याने बादली, टब, कुकर आणि इतर भांड्यांमध्ये ठेवले होते. तसंच हे तुकडे इतके बारीक केले होते की पोलिसांनाही ते मोजता आलेले नाही.

गुन्हा दाखल करण्यात आला
पोलिसांनी कलम 302 अंतर्गत हत्येचा आणि 201 अंतर्गत पुरावे नष्ट करण्याचा प्रयत्न केल्या प्रकरणी आरोपीवर गुन्हा दाखल केला आहे. आरोपीला ठाण्यातील न्यायालयात हजर करण्यात आलं असून 16 जून पर्यंत पोलीस कोठडी सुनावण्यात आली आहे. प्राथमिक चौकशीत साने याने पोलिसांना सांगितलं की, 2008 मध्ये एचआयव्ही पॉझिटिव्ह असल्याचं निदान झालं होतं. तेव्हापासून औषधे सुरू आहेत. तसेच मी एचआयव्ही पॉझिटिव्ह आहे आणि सरस्वतीशी कधी शारीरिक संबंध ठेवले नाही असेदेखील त्याने पोलीस चौकशीत म्हंटले आहे.

Share This News

Related Post

Maharashtra Politics : ‘शिवसेना सोडून गेलेले गद्दारच, बंड करण्यासाठी…’! शिंदेंच्या गडात आदित्य ठाकरेंची गर्जना

Posted by - July 22, 2022 0
ठाणे : शिवसेना सोडून गेलेल्यांच्या रक्तात शिवसेना नव्हतीच, गेलेले ते गद्दारच आहेत. बंड करण्यासाठी हिंम्मत लागते. शिवसेनेविरुद्ध बंड केले असते,…

मुख्यमंत्री एकनाथ शिंदे यांच्या सभेसाठी पैसे वाटल्याच्या ऑडिओ क्लिपवर शिंदे गटाकडून स्पष्टीकरण ; म्हणाले …

Posted by - September 12, 2022 0
आज पैठणमध्ये मुख्यमंत्री एकनाथ शिंदे यांची सभा होते आहे. परंतु ही सभा एका व्हायरल ऑडिओ क्लिप मुळे अधिकच चर्चेत आली…
Delhi Crime

Delhi Crime : दिल्ली पुन्हा हादरली! उड्डाणपुलाजवळ आढळले महिलेच्या मृतदेहाचे तुकडे

Posted by - July 12, 2023 0
नवी दिल्ली : वृत्तसंस्था – काही महिण्यापुर्वी दिल्लीतील (Delhi Crime) श्रद्धा वालकर हत्याकांड आणि मीरा भायंदर सरस्वती वैद्य हत्याकांड या…

आता पुढचा नंबर अनिल परब यांचा – किरीट सोमय्या (व्हिडीओ)

Posted by - April 1, 2022 0
पुणे- ग्रामविकास मंत्री हसन मुश्रीफ यांच्या संताजी घोरपडे सहकारी साखर कारखान्यात भ्रष्टाचार झाला असून मुश्रीफांची बेनामी मालमत्ता जप्त करावी अशी…

वयोश्री आणि एडीप योजनेअंतर्गत लाभार्थ्यांना उपयुक्त साधनांच्या वाटपासाठी निधी मिळावा; खासदार सुप्रिया सुळे यांची घेतली सामाजिक न्याय मंत्र्यांकडे मागणी

Posted by - December 16, 2022 0
दिल्ली : ज्येष्ठ नागरिकांसाठी असलेली वयोश्री योजना तसेच दिव्यांगांसाठी असलेल्या एडीप योजनेचे सर्वात चांगले काम बारामती लोकसभा मतदारसंघात झाले आहे.…

Leave a comment

Your email address will not be published. Required fields are marked *