वर्धा : वर्धामधून (Wardha News) एक धक्कादायक बातमी समोर आली आहे. बोर धरणातील केजची तपासणी करण्यासाठी आलेला मत्स्य विभागाचा अधिकारी पाण्यात बुडाल्याचे समोर आले आहे. यामध्ये पाच अधिकाऱ्यांपैकी चार अधिकाऱ्यांना वाचवण्यात यश आलं, तर एक जण बेपत्ता आहे. या घटनेची माहिती मिळताच एनडीआरएफ आणि पोलिसांनी तातडीनं घटनास्थळी धाव घेतली. शनिवारी सायंकाळच्या सुमारास ही दुर्दैवी घटना घडली आहे.तपासणी करून परत येत असताना काठावर येण्यासाठी ते ज्या प्लॅटफार्मवर उभे होते, तो प्लॅटफार्म पलटी झाल्याने ही दुर्दैवी घटना घडली आहे.
काय घडले नेमके?
शनिवारी सांयकाळच्या सुमारास बोर धरणातील केजची तपासणी करण्यासाठी मत्स्य विभागाचे अधिकारी आले होते. याचदरम्यान ही घटना घडली आहे. केजची तपासणी करून परतत असताना ही दुर्दैवी घटना घडली. काठावर येण्यासाठी ते ज्या प्लॅटफॉर्मवर उभे होते, तो प्लॅटफॉर्म पलटी झाल्यानं पाच मत्स्य विभागाच्या अधिकाऱ्यांचा तोल गेला आणि ते पाण्यात बुडाले. यापैकी 4 जणांना आपला जीव वाचवण्यात यश आले मात्र दुर्दैवाने एक अधिकारी त्यामध्ये बुडाला. सध्या एनडीआरएफच्या पथकाकडून त्याचा शोध सुरु आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Nashik News : गॅस भरताना ओमनी कारचा अचानक झाला स्फोट; चिमुकल्यांसह 10 जण जखमी
Yavatmal News : धक्कादायक ! विजेचा शॉक लागून विद्यूत कर्मचाऱ्याचा दुर्दैवी मृत्यू
