DHULE NEWS: धुळे जिल्ह्यातील शिंदखेडा तालुक्यातून एक मन हेलावून टाकणारी घटना समोर आली आहे. मेथी गावातील एका विवाहित महिलेने कौटुंबिक छळाला कंटाळून आत्महत्या केली (DHULE NEWS) आहे. धक्कादायक बाब म्हणजे, मृत महिलेने आत्महत्या करण्यापूर्वी मोबाईलवर एक व्हिडिओ रेकॉर्ड केला असून, या व्हिडिओमध्ये तिने आपल्या काही नातेवाईकांवर गंभीर छळ आणि मारहाणीचे आरोप केले आहेत. या व्हिडिओतील पुराव्याच्या आधारे पोलिसांनी तब्बल १४ जणांविरुद्ध गुन्हा दाखल केला आहे.
लक्ष्मी विनोद वडार (रा. मेथी) असे आत्महत्या केलेल्या महिलेचे नाव आहे. लक्ष्मी वडार यांनी झाडाला गळफास घेऊन आपले जीवन संपवले. आत्महत्येपूर्वी त्यांनी बनवलेल्या व्हिडिओमध्ये, काही विशिष्ट नातेवाईक (DHULE NEWS) त्यांना सातत्याने अश्लील शिवीगाळ करत होते आणि त्यांना मारहाणही करत होते, ज्यामुळे त्यांनी हे टोकाचे पाऊल उचलल्याचे स्पष्ट केले आहे. या सततच्या मानसिक आणि शारीरिक छळामुळे त्यांचे जीवन असह्य झाले होते.
NASHIK JAIL NEWS:“कैद्यांच्या अमली पदार्थांचे सेवन वापरताना फोटो आणि व्हिडिओ सोशल मीडियावर व्हायरल
या घटनेनंतर मृत महिलेचे पती विनोद वडार यांनी तातडीने शिंदखेडा पोलिस ठाण्यात धाव घेऊन फिर्याद दाखल केली. त्यांनी पोलिसांना आत्महत्येपूर्वीचा व्हिडिओ सादर केला. या व्हिडिओतील (DHULE NEWS) आरोपांची गंभीर दखल घेत पोलिसांनी तात्काळ १४ नातेवाईकांविरुद्ध गुन्हा दाखल केला आहे. गुन्हा दाखल झालेल्यांमध्ये अनेक जवळच्या नातेवाईकांचा समावेश असल्याचे समजते.
घटनेची माहिती मिळताच उपविभागीय पोलीस अधिकारी सुनील गोसावी आणि पोलीस निरीक्षक ज्ञानेश्वर वारे यांनी मेथी गावात धाव घेऊन घटनास्थळाची पाहणी केली आणि प्रकरणाची माहिती घेतली. सध्या सहायक पोलीस निरीक्षक हनुमान गायकवाड हे या संपूर्ण प्रकरणाचा सखोल तपास करत आहेत. महिलांच्या आत्महत्येमागील नेमके कारण आणि व्हिडिओतील आरोपांची सत्यता तपासणीअंती समोर येईल. मात्र, या घटनेमुळे मेथी गावात आणि संपूर्ण जिल्ह्यात हळहळ व्यक्त होत असून, कौटुंबिक छळ आणि महिला सुरक्षेचा मुद्दा पुन्हा एकदा ऐरणीवर आला आहे. पोलिसांनी सर्व आरोपींना लवकरात लवकर अटक करून पीडितेला न्याय मिळवून द्यावा, अशी मागणी जोर धरू लागली आहे.
