नवी दिल्ली : वृत्तसंस्था – नवी दिल्लीमधून एक धक्कादायक घटना (Delhi Crime Video) समोर आली आहे. यामध्ये एका माथेफिरू तरुणाने एका तरुणीवर चाकूने सपासप वार केले आहेत. दिल्लीच्या मुखर्जी नगर भागात ही घटना घडली आहे. सध्या याचा व्हिडिओ सोशल मीडियावर मोठ्या प्रमाणात व्हायरल होताना दिसत आहे. या घटनेमुळे परिसरात एकच खळबळ उडाली आहे. यामुळे पुन्हा एकदा महिलांच्या सुरक्षिततेचा प्रश्न निर्माण झाला आहे.
काय आहे संपूर्ण प्रकरण?
अमन नावाचा तरुण मुखर्जी नगर परिसरात फिरत असायचा. त्या परिसरातील विद्यार्थी अमनला वेडा म्हणत त्याची खिल्ली उडवायचे. ज्या मुलीवर अमनने हल्ला केला ती परिसरात असणाऱ्या लायब्ररीत अभ्यासाला येत होती. आरोपीने असा दावा केला की, मुलीनेही त्याची खिल्ली उडवली. त्यामुळे रागाच्या भरात भाजीवाल्याचा चाकू उचलून त्याने तिच्यावर हल्ला केला.
अमनने केलेल्या हल्ल्यात तरुणीला सुदैवाने गंभीर जखम झाली नाही. अशा प्रकारच्या हल्ल्यात बऱ्याचदा आजूबाजूचे लोक घाबरून पळून जातात. पण मुखर्जीनगरमध्ये तरुण हल्ला करत असताना इतरांनी त्याला वेळीच अडवल्याने पुढचा अनर्थ टळला. या घटनेचा व्हिडीओ सध्या सोशल मीडियावर मोठ्या प्रमाणात व्हायरल होताना दिसत आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Lok Sabha Election : काँग्रेसकडून लोकसभेसाठी उमेदवारांची चौथी यादी जाहीर
