BEED JAIL PRISONER FOUND MOBILE: गेल्या काही दिवसापासून बीड जिल्हा कारागृह चर्चेत आहे..
कारण याच कारागृहात संतोष देशमुख हत्या प्रकरणातील आरोपी वाल्मीक कराडसह त्याच्या टोळीतील सदस्य शिक्षा भोगत आहेत,
त्याच बीड कारागृहात एका कैद्याकडे मोबाईल सापडल्याने एकच खळबळ उडाली.
Walmik karad जाणार हायकोर्टात! सुटकेसाठी लावला जोर, उरला फक्त फाशीचा दोर! Santosh Deshmukh Case
बीड कारागृह गेल्या काही दिवसांपासून चर्चेत आहे त्याचं महत्त्वाचं कारण म्हणजे
या कारागृहात संतोष देशमुख हत्या प्रकरणातील आरोपी वाल्मीक कराड याच्यासह त्याच्या सदस्य शिक्षा भोगत आहेत. काही दिवसांपूर्वी वाल्मिक कराडला कारागृहात व्हीआयपी ट्रीटमेंट मिळत असल्याचे आरोप झाल्यामुळे हे कारागृह राज्यभर चर्चेत आले होते.
काही महिन्यांपूर्वीच कराड गँग आणि गित्ते गँग यांच्यात तुरुंगातच झालेल्या गँगवॉरमुळे एकच खळबळ उडाली होती. आता याच बीड कारागृहाबाबत पुन्हा एकदा धक्कादायक माहिती पुढे आली.वाल्मीक कराड कोठडीत असलेल्या बीडच्या जिल्हा कारागृहात एका कैद्याकडे मोबाईल आढळलाय.
याप्रकरणी कैद्याविरोधात शिवाजीनगर पोलीस ठाण्यात गुन्हा नोंदविण्यात आला आहे. रफिक खुर्शीद सय्यद असे मोबाईल आढळून आलेल्या कैद्याचे नाव असून माजलगाव शहर पोलीस ठाण्यात दाखल असलेल्या एका गुन्ह्यातील तो आरोपी आहे.
कारागृहात त्याचे वर्तन संशयास्पद वाटल्याने कारागृह प्रशासनाने त्याची झडती घेतली. यावेळी त्याच्याकडे विना सिम कार्डचा एक मोबाईल आढळून आला. या प्रकरणी पुढील तपास पोलीस करत आहेत.पण काही दिवसांपूर्वी बीड जिल्हा कारागृहात गांजा आढळल्याने एकच खळबळ उडाली होती.
सुभेदार बलभीम चिचाणे आणि पोलीस हवालदार अब्दुल वाजेद अब्दुल अजिज हे कर्तव्यावर असताना, बराक क्रमांक 7 मध्ये न्यायालयीन कोठडीत असलेल्या अक्षय ऊर्फ चिंटू मिठ्ठू गायकवाडच्या हालचाली त्यांना संशयास्पद वाटल्या होत्या.
त्यांनी गायकवाडची झडती घेतली असता, त्याच्या अंडरविअरमध्ये रबरी, फिकट आकाशी रंगाचा चिरलेला बॉल आढळून आला.
त्या बॉलमध्ये गांजासदृश अंमली पदार्थ आढळला. त्यानंतर त्याच्या पँटच्या खिशातही झडती घेतली असता, हिरवट रंगाचा पाला, बारीक भुरकट पदार्थ, हिरवट रंगाची फुले, बिया, बोंडे आणि काड्यांसह अंमली पदार्थ सदृश मुद्देमाल सापडला. संपूर्ण मुद्देमाल जप्त करण्यात आला होता. या प्रकरणी अक्षय गायकवाड विरुद्ध शिवाजीनगर पोलीस ठाण्यात गुन्हा दाखल करण्यात आला होता.
