राज्यभरात महिला अत्याचारांचे प्रमाण दिवसेंदिवस वाढत असताना त्यात सोलापूर मधूनही भर पडली आहे. सोलापुरात मित्राच्या विधवा पत्नीवर बलात्कार केल्याची धक्कादायक घटना समोर आली आहे. या घटनेने परिसरात एकच खळबळ उडाली आहे.
बालाजी सत्यनारायण नल्ला असे या आरोपीचे नाव असून त्याला पोलिसांनी अटक केली आहे. मिळालेल्या माहितीनुसार, पीडित महिला ही विडी कामगार आहे. तिच्या पतीचे दीड महिन्यांपूर्वीच निधन झाले. आरोपी व पीडित महिलेचा पती हे मित्र होते. ही महिला घरात एकटी असताना आरोपीने घरात घुसून तिच्यावर बलात्कार केला. ही घटना सोलापूर जिल्ह्यातील वळसंग पोलीस ठाण्याच्या हद्दीत घडली. आरोपी बालाजी याला वळसंग पोलिसांनी अटक केली आहे.
माणुसकीच्या नात्याला काळीमा फासणाऱ्या या घटनेमुळे संपूर्ण तालुक्यात एकच खळबळ उडाली आहे. या घटनेमुळे पुन्हा एकदा राज्यात महिला सुरक्षित आहेत का हा प्रश्न निर्माण झाला आहे. सध्या आरोपीला न्यायालयाकडून न्यायालयीन कोठडी सुनावण्यात आली असून पुढील तपास वळसंग पोलिसांकडून करण्यात येत आहे.
