मुंबई : पुणे मुंबई एक्सप्रेस वेवर (Mumbai Pune Express Way) खंडाळा घाटातील खंडाळा बोगद्याच्या आतमध्ये तिन्ही लेनवर एक अवजड कंटेनर पलटी झाल्यामुळे मुंबईकडे जाणारी (Mumbai Pune Express Way) वाहतूक ठप्प झाली आहे. यामुळे पुण्याहून मुंबईकडे जाणाऱ्या प्रवाशांनी पलटी झालेला कंटेनर जोपर्यंत बाजूला केला जात नाही. तोपर्यंत हलक्या वाहनांनी जुन्या मुंबई-पुणे राष्ट्रीय महामार्गावरून मुंबईकडे जावे, अशा सूचना देण्यात आल्या आहेत.
तसेच महामार्ग पोलिसांनी मुंबईकडे जाणारी वाहतूक (Mumbai Pune Express Way) लोणावळ्यातील वलवण येथून जुन्या मुंबई-पुणे राष्ट्रीय महामार्गावर वळवली आहे. हा अपघात आज सकाळी 11 च्या दरम्यान घडला आहे. सुदैवाने या अपघातामध्ये कोणतीही जीवितहानी झालेली नाही.
या अपघाताची माहिती मिळताच खंडाळा महामार्ग व लोणावळा शहर पोलिस, देवदूत आपत्कालीन पथक व आयआरबीचे कर्मचारी तातडीने घटनास्थळी दाखल झाले असून तो अपघातग्रस्त कंटेनर बाजूला काढण्याचे काम सुरु करण्यात आले होते.
