पुणेकर जगताप यांना जागा दाखवतील ; सभागृह नेते गणेश बिडकर यांचे प्रतिउत्तर (व्हिडिओ)

162 0

राज्यात असलेल्या सत्तेचा गैरवापर महाविकास आघाडी कसा करत आहे, हे प्रभाग रचना जाहीर झाल्यानंतर पुणेकरांच्या लक्षात आले आहे. पालिकेत सत्ता मिळविण्यासाठी सत्तेचा गैरवापर करत महाविकास आघाडीने नियमबाह्य पद्धतीने प्रभाग रचना केली तरी येणाऱ्या पालिकेच्या निवडणुकीत पुणेकर मतदार त्यांना जागा दाखविल्याशिवाय राहणार नाही, अशा शब्दात सभागृह नेते गणेश बिडकर यांनी राष्ट्रवादी काँग्रेसचे शहराध्यक्ष प्रशांत जगताप यांचा समाचार घेतला. निवडणुकीच्या निकालानंतर जगताप यांचा भ्रम निश्चित दूर होईल, असा दावा बिडकर यांनी केला.

प्रभाग रचना करताना टेकडीमुळे तयार होणारी नैसर्गिक हद्द तोडून विचित्र प्रभाग जोडावा लागत असेल, तर सरळमार्गी राजकारण करून आपल्याला जिंकता येणार नाही हेच जगतापांनी अप्रत्यक्षपणे मान्य केले का? काही महिन्यांपासून आघाडीची भाषा करणाऱ्या राष्ट्रवादीने आता थेट स्वबळावर लढण्यास समर्थ असून, १२२ जागांवर विजय मिळवू असा दावा शहराध्यक्ष जगताप करत आहेत, ही संख्या पुणे महानगरपालिकेची नाही तर पिंपरी चिंचवड आणि अन्य स्वराज्य संस्थांमधील असेल, असा टोला बिडकर यांनी लावला. जाती धर्माचे राजकारण करून आपण जिंकू असा समज जगताप यांनी करून घेतला आहे. मात्र त्यांना माहीत नाही सुज्ञ पुणेकर जाती- धर्मावर मतदान करत नाही. तो काम बघतो, आणि त्यांनी पंतप्रधान नरेंद्र मोदी, देवेंद्रजी यांचे काम पाहिले आहे, चार वर्षात पळणारी मेट्रो पहिली आहे.
स्वबळाची भाषा करणारे जगताप हे विसरतात की राज्यात तसेच देशात सत्ता असून ही त्यांचा आकडा कधी ६० च्या वर गेलेला नाही. ‘बेडूक फुगवला म्हणून तो हत्ती होत नाही’, असेही बिडकर म्हणाले. मागच्या पंचवार्षिक मध्ये प्रशांत जगताप हे महापौर असताना त्यांच्या पक्षाचा महापालिकेच्या निवडणुकीत दारुण पराभव झाला होता. त्याची पुनरावृत्ती होऊन परत नाचक्की होऊ नये, यासाठी त्यांचा हा केविलवाणा प्रयत्न चालू आहे. निवडणूक लढविण्यासाठी राष्ट्रवादीकडे सक्षम उमेदवार नाही त्यामुळेच भाजप मधील नगरसेवक आपल्याकडे येण्यास इच्छूक असल्याच्या घोषणा जगताप करत आहेत. पुढील २४ तासात राष्ट्रवादीने ८० उमेदवारांची नावे जाहीर करावीत, असे आव्हान सभागृह नेते बिडकर यांनी दिले. पुणेकर फक्त विकासाला मतदान करतात. थापाड्यांना नाही. टेंडरमधल्या टक्केवारीसाठी आरडाओरड करणाऱ्यांना जनता जागा दाखवते. शहराच्या विकासासाठी भकास आघाडी नको, की भ्रष्टवादी राष्ट्रवादी नको, म्हणनूच पुणेकरांनी ठरवले आहे. पुण्यासाठी पर्याय एकच, ‘यंदा परत कमळच..’ असा विश्वासही त्यांनी व्यक्त केला.

कायदेशीर लढा देणार
सत्तेचा चुकीचा वापर करून महाविकास आघाडी सरकारने प्रभाग रचना केली आहे. याविरोधात कायदेशीर लढा देणार असल्याचे सभागृह नेते बिडकर यांनी स्पष्ट केले. चुकीच्या पद्धतीने करण्यात आलेल्या प्रभागांवर हरकती आणि सूचना नोंदविण्यात येणार असून त्यामध्ये आवश्यक ते बदल करण्यास भाग पाडू असा निर्धार बिडकर यांनी व्यक्त केला.

Share This News

Related Post

Rada

Bhaskar Jadhav : गुहागरमध्ये उद्धव ठाकरे आणि राणे समर्थकांमध्ये तुफान राडा

Posted by - February 16, 2024 0
गुहागऱमध्ये उद्धव ठाकरे गटाचे नेते भास्कर जाधव (Bhaskar Jadhav) आणि निलेश राणे यांचे समर्थक एकमेकांना भिडले आहेत. भास्कर जाधवांच्या समर्थकांकडून…
Pune Accident

Pune Accident : आळंदीला जाणाऱ्या पालखीत कंटेनर घुसून भीषण अपघात

Posted by - December 3, 2023 0
पुणे : नाशिक-पुणे महामार्गावर भीषण अपघात (Pune Accident) घडला आहे. शिर्डीहून आळंदीला जाणाऱ्या पालखीत कंटेनर घुसल्यामुळे भीषण अपघात झाला आहे.…

आपल्या अडीच महिन्याच्या बाळाला घेऊन आमदार सरोज अहिरे पोहोचल्या थेट नागपूर अधिवेशनात

Posted by - December 19, 2022 0
नागपूर : आज पासून नागपूरमध्ये हिवाळी अधिवेशनाला सुरुवात झाली आहे. या अधिवेशनामध्ये आरोप प्रत्यारोप होतील, आंदोलने होतील. पण आजच्या पहिल्या…
Uddhav Thackeray

Maharashtra Political Crisis : उद्धव ठाकरेंना ‘ती’ चूक पडली महागात; नाहीतर आज झाले असते पुन्हा मुख्यमंत्री

Posted by - May 11, 2023 0
मुंबई : मागच्या काही महिन्यांपासून बहुचर्चेत असणारा राज्यातील सत्तासंघर्षाचा निर्णय आज सुप्रीम कोर्टाने जाहीर केला आहे. हा निर्णय उद्धव ठाकरे…
Deepak Kesarkar

यापुढे सरकारी शिक्षकांच्या बदल्या नाहीत; शिक्षणमंत्री केसरकर यांची मोठी घोषणा

Posted by - June 17, 2023 0
मुंबई : सरकारी शळांमधील शिक्षकांच्या बदल्यांमध्ये होणारा आर्थिक व्यवहार मोडीत काढण्यासाठी आणि शिक्षणाचा दर्जा राखण्यासाठी दर तीन वर्षांनी होणार्‍या शिक्षकांच्या…

Leave a comment

Your email address will not be published. Required fields are marked *