Toxic Cough Syrup Deaths India: विषारी कफ सिरप प्रकरण आता अधिक गंभीर व चिंताजनक होत चालले आहे. नागपूरमध्ये उपचारादरम्यान आणखी एका लहान मुलीचा मृत्यू झाल्याने या (Toxic Cough Syrup Deaths India) घडामोडींनी पुन्हा एकदा संपूर्ण देशाचे लक्ष वेधून घेतले आहे. मृत्यूमुखी पडलेली चिमुरडी अंबिका विश्वकर्मा (वय 3.5 वर्षे) ही मध्यप्रदेशातील छिंदवाडा जिल्ह्यातील रहिवासी होती.
अंबिकाची तब्येत सप्टेंबर महिन्याच्या सुरुवातीला अचानक खालावली. स्थानिक पातळीवरील उपचार अयशस्वी ठरल्याने तिच्या पालकांनी तिला तातडीने नागपूरच्या रुग्णालयात दाखल केले. (Toxic Cough Syrup Deaths India) तपासणीदरम्यान डॉक्टरांनी सांगितले की, अंबिकाची मूत्रपिंडे निकामी झाली आहेत. तीन आठवड्यांच्या उपचारांनंतर बुधवारी सकाळी तिचा मृत्यू झाला.
PUNE VJNT COMMUNITY MORCHA: भटक्या विमुक्त 42 जातींचा ST प्रवर्गामध्ये समावेश करा
अंबिका ही या विषारी सिरपची 26 वी बळी ठरली आहे. नागपूरमध्ये आतापर्यंत 18 बालकांचा मृत्यू उपचारादरम्यान झाला असून, ही सर्व मुले मध्यप्रदेशातील आहेत. सध्याही दोन मुले मृत्यूशी झुंज (Toxic Cough Syrup Deaths India) देत असून त्यांची प्रकृती गंभीर आहे. त्यामुळे कफ सिरपमुळे मृत्यूंचं सत्र अजूनही थांबलेलं नाही. या पार्श्वभूमीवर जागतिक आरोग्य संघटनेने (WHO) तातडीने आरोग्य इशारा जारी केला आहे. भारतामध्ये उत्पादित केलेल्या तीन कफ सिरप — Coldrif, RespiFresh TR आणि Rilife — विषारी असल्याचं निष्पन्न झालं आहे. यामध्ये डायथिलीन ग्लायकॉल हे अत्यंत विषारी रसायन सापडले आहे.
हे रसायन शरीरात गेल्यावर मूत्रपिंडांचे कार्य बंद पाडते, मेंदूवर परिणाम करते आणि विशेषतः लहान मुलांच्या जीवाला गंभीर धोका निर्माण करते. यामुळे मृत्यूची शक्यता वाढते. त्यामुळे WHO ने या औषधांच्या वापरावर आणि विक्रीवर बंदी घालण्याचा सल्ला दिला आहे. याशिवाय, WHO ने सर्व जागतिक आरोग्य संस्थांना सूचना दिल्या आहेत की, डिसेंबर 2024 नंतर तयार झालेल्या औषधांची कठोर तपासणी करण्यात यावी. तपासणी पूर्ण होईपर्यंत ही औषधे बाजारात विक्रीसाठी उपलब्ध होऊ नयेत, असे स्पष्ट निर्देश देण्यात आले आहेत. ही घटना केवळ एका राज्यापुरती मर्यादित न राहता, संपूर्ण देशाच्या औषध गुणवत्ता नियंत्रण यंत्रणेवर गंभीर प्रश्न उपस्थित करत आहे. आता या प्रकरणातील दोषींवर कठोर कारवाई होईल, अशी अपेक्षा व्यक्त केली जात आहे.
