NASHIK JAIL NEWS: नाशिकरोड येथील मध्यवर्ती कारागृह पुन्हा एकदा वादाच्या भोवऱ्यात अडकले आहे. राज्यातील सर्वाधिक सुरक्षित समजल्या जाणाऱ्या या कारागृहात कैद्यांकडून (NASHIK JAIL NEWS) मोबाईल फोनचा वापर, अमली पदार्थांचे सेवन आणि त्याचे सोशल मीडियावर व्हायरल झालेले व्हिडीओ-फोटो यामुळे खळबळ उडाली आहे. या घटनांमुळे कारागृह प्रशासनाच्या कार्यप्रणालीवर गंभीर प्रश्नचिन्ह उपस्थित झाले आहेत.
सध्या सोशल मीडियावर काही व्हिडीओ आणि फोटो मोठ्या प्रमाणावर फिरत आहेत, ज्यामध्ये कैदी मोबाईलवर रील्स बनवताना, तंबाखू व इतर अमली पदार्थांचे सेवन करताना दिसत आहेत. कारागृह प्रशासनाने हे व्हिडीओ काही महिन्यांपूर्वीचे असल्याचा दावा केला आहे. मात्र, व्हिडीओतील दृश्ये आणि कैद्यांचे कपडे पाहता हे नुकतेच घडले असण्याची शक्यता नाकारता येत नाही.
FIRST HYDROGEN BUS IN PUNE: हायड्रोजनवर चालणारी राज्यातील पहिली बस धावली पुण्यात
याप्रकरणाची सखोल चौकशी सुरू असून, संबंधित वेळेतील सीसीटीव्ही फुटेज मागवण्यात आले आहेत. विशेष म्हणजे, काही कर्मचाऱ्यांच्या सहभागाचीही शंका व्यक्त केली जात असून, त्यांच्या (NASHIK JAIL NEWS) वर्तणुकीवर आणि हालचालींवर अधिक बारकाईने लक्ष ठेवले जात आहे. ही पहिली वेळ नाही, की नाशिकरोड कारागृहात अशा घटना घडल्या आहेत. 2016 मध्येही मोठ्या प्रमाणावर मोबाईल आणि गुटखा जप्त करण्यात आले होते. त्या प्रकरणात तीन कर्मचाऱ्यांना निलंबित करावे लागले होते. तरीही काही वर्षांनंतर पुन्हा त्या स्वरूपाच्या घटना घडत असल्याने प्रशासनाची गंभीर दुर्लक्ष झाल्याचे स्पष्ट होत आहे.
बंदी घालण्यात आलेले पदार्थ कैद्यांपर्यंत पोहोचवले जात असल्याचे प्रकार पुन्हा समोर येत आहेत. भेटायला येणाऱ्या लोकांमार्फत, शिपायांच्या मदतीने हे पदार्थ आत पाठवले जात (NASHIK JAIL NEWS) असल्याची शक्यता वर्तवली जात आहे. या पार्श्वभूमीवर कारागृहातील संपूर्ण सुरक्षा यंत्रणा आणि कर्मचाऱ्यांवर शंका घेतली जात आहे.
NASHIK JAIL NEWS:“कैद्यांच्या अमली पदार्थांचे सेवन वापरताना फोटो आणि व्हिडिओ सोशल मीडियावर व्हायरल
दरम्यान, मंगळवारीच एका कैद्याने शिपायावर हल्ला केला. बंदीवान बिलाल अली हुसेन शेख याने कारागृहातील शिपाई भाईदास भोई यांच्यावर अचानक हल्ला करून त्यांना जखमी केले. या घटनेमुळे कारागृहातील वातावरण आणखी तणावपूर्ण झाले आहे. प्रशासनाने आता सर्व कर्मचाऱ्यांच्या हालचालींचे सीसीटीव्ही फुटेजद्वारे विश्लेषण सुरू केले असून, दोषी आढळल्यास कठोर कारवाई केली जाईल, असे संकेत दिले आहेत.
