मुंबई: महाराष्ट्र राज्य विधान परिषदेच्या 11 जगांसाठी आज मतदान होत असून 11 जागांसाठी 12 उमेदवार रिंगणात उतरले असल्यानं मोठी चुरस निर्माण झाली असून महायुती व महाविकास आघाडीची प्रतिष्ठा पणाला लागली आहे.
विधान परिषद निवडणुकीत भाजपचे 5 एकनाथ शिंदे यांच्या शिवसेनेचे 2 अजित पवारांच्या राष्ट्रवादीचे 2 तर काँग्रेसचा 1 शिवसेना उद्धव बाळासाहेब ठाकरे गटाचा 1 तर राष्ट्रवादी काँग्रेस पक्ष शरदचंद्र पवार पक्ष पुरस्कृत शेतकरी कामगार पक्षाचा 1 उमेदवार रिंगणात आहे.
विधानपरिषेच्या निवडणुकीसाठी दुपारी 12 वाजेपर्यंत 223 आमदारांनी मतदानाचा हक्क बजावला आहे. अद्याप 51 आमदारांचं मतदान बाकी आहे. दुपारी 4 वाजेपर्यंत मतदानाची वेळ असणार आहे.
