नरेंद्र मोदी हे तिसऱ्यांदा पंतप्रधान पदाची शपथ घेणार असून आज सायंकाळी सव्वा सात वाजता राष्ट्रपती भवनाचा शपथविधी समारोह पार पडणार असून महाराष्ट्रातून भारतीय जनता पक्षाकडून नितीन गडकरी पियुष गोयल रक्षा खडसे यांची केंद्रीय मंत्रिमंडळात वर्णी लागली असून पुण्याचे खासदार मुरलीधर मोहोळ यांना देखील मंत्रीपदाची संधी मिळणार असल्याचे जवळपास निश्चित झालं आहे.
रामदास आठवले हे देखील सलग तिसऱ्यांदा मंत्रीपदाची शपथ घेणार असून शिंदेंच्या शिवसेनेकडून प्रतापराव जाधव हे मंत्रीपदाची शपथ घेणार असल्याचे माहिती मिळत आहे.
मात्र अजित पवारांच्या नेतृत्वाखालील राष्ट्रवादी काँग्रेस पक्षाचा सरकारमध्ये सहभाग होणार नसल्याची माहिती मिळत असून अजित पवारांच्या नेतृत्वाखालील राष्ट्रवादी काँग्रेस पक्षाला अद्याप मंत्रिपदासाठी फोन आला नसल्याची माहिती देखील आता समोर येत आहे.
अजित पवारांच्या राष्ट्रवादी कडून प्रफुल पटेल यांचे नाव मंत्री पदासाठी चर्चेत होतं मात्र अद्यापही त्यांना मंत्रिपदासाठी फोन आला नाही याच पार्श्वभूमीवर दिल्लीतील सुनील तटकरे यांच्या निवासस्थानी प्रमुख नेत्यांची बैठक सुरू असून उपमुख्यमंत्री देवेंद्र फडणवीस हे देखील या बैठकीला उपस्थित असल्याचे माहिती मिळत असून दादा गटाची मनधरणी करण्याचा देवेंद्र फडणवीसांकडून प्रयत्न सुरू आहे का? असा प्रश्न उपस्थित होतोय
