नाशिक- गॅस गिझरच्या गळतीमुळे एअर इंडियाच्या महिला सिनिअर पायलटचा गुदमरून दुर्दैवी मृत्यू झाला. ही घटना नाशिकमध्ये घडली आहे. रश्मी गायधनी असे या महिला पायलटचे नाव आहे. रश्मी गायधनी या मुंबईत एअर इंडियामध्ये वैमानिक म्हणून कार्यरत होत्या.
नाशिकमध्ये घडलेल्या या घटनेमुळे सर्वत्र एकच हळहळ व्यक्त केली जात आहे. आंघोळीच्या वेळी गॅस गिझरमधून गळती झाल्यामुळे बाथरुममध्येच गुदमरुन गायधनी यांचा करुण अंत झाला.
कर्नाटक मध्येही झाली होती गॅस गिझर दुर्घटना
बंगळुरुमध्ये गॅस गिझरमधून विषारी वायू गळतीमुळे एका 35 वर्षीय महिला आणि तिच्या 7 वर्षांच्या मुलीला आपले प्राण गमवावे लागले होते. वारंवार घडणाऱ्या घटनांमुळे गॅस गिझर वापरताना काळजी घेण्याची गरज आहे.
