शिवसेना नेते मिलिंद नार्वेकरांना मातृशोक
मुंबई: राज्याचे माजी मुख्यमंत्री आणि शिवसेना पक्षप्रमुख उद्धव ठाकरे यांच्या अगदी जवळचे सहकारी असलेले आणि शिवसेनेचे सचिव मिलिंद नार्वेकर यांच्या मातोश्री विद्या केशव नार्वेकर यांचे वृद्धापकाळाने वयाच्या ८४ व्या वर्षी निधन झाले.
त्यांच्या निधनाचे वृत्त समजताच विधानसभेचे विरोधी पक्षनेते अजित पवार,माजी मंत्री बाळासाहेब थोरात, धनंजय मुंडे, शिवसेना खासदार ओमप्रकाश राजेनिंबाळकर आदी नेत्यांनी ट्विटरच्या माध्यमातून शोक व्यक्त केला आहे.
शिवसेना सचिव @NarvekarMilind_ यांच्या मातोश्री विद्या केशव नार्वेकर यांच्या निधनाचे वृत्त अत्यंत दु:खद आहे, त्यांना माझी भावपूर्ण श्रद्धांजली!
आम्ही सर्व नार्वेकर कुटुंबियांच्या दु:खात सहभागी आहोत.— Balasaheb Thorat (@bb_thorat) July 13, 2022
शिवसेनेचे सचिव तथा पक्षप्रमुख श्री.उद्धवजी ठाकरे साहेब यांचे स्वीय्य सहाय्यक श्री.मिलिंद नार्वेकर जी यांना मातृशोक झाल्याची बातमी अतिशय वेदनादायी आहे. त्यांना #भावपूर्ण_श्रद्धांजली ..!
या दुःखद प्रसंगी आम्ही सर्वजण नार्वेकर कुटुंबियांच्या दुःखात सहभागी आहोत. pic.twitter.com/1YagVxTaC4
— Omprakash Rajenimbalkar (@OmRajenimbalkr) July 13, 2022
शिवसेनेचे सचिव श्री. मिलिंद नार्वेकर यांच्या मातोश्री श्रीमती विद्याताई केशव नार्वेकर यांचे निधन झाल्याचे समजून दु:ख झालं. मातृवियोगाच्या या मोठ्या दु:खातून सावरण्याचं बळ श्री. मिलिंद यांना मिळो.
— Ajit Pawar (@AjitPawarSpeaks) July 13, 2022
त्यांच्या पार्थिवाचे अंत्यदर्शन रेसिडेंन्सी डेक्कन, खार दांडा रोड, वांद्रे पश्चिम, पाली हिल येथील घरी दुपारी 3 ते संध्याकाळी 6 वाजेपर्यंत घेता येणार आहे.
शिवसेना नेते मिलिंद नार्वेकर यांना मातृशोक झाल्याचे वृत्त अत्यंत दुःखद आहे. स्व. विद्याताई नार्वेकर यांना भावपूर्ण आदरांजली. श्री. मिलिंद नार्वेकर व त्यांच्या कुटुंबियांना या दुःखातून सावरण्याची शक्ती मिळो, हीच ईश्वरास प्रार्थना. @NarvekarMilind_
— Dhananjay Munde (@dhananjay_munde) July 13, 2022
त्यानंतर सांताक्रुज पश्चिम येथील स्मशानभूमीत पार्थिवावर अंत्यसंस्कार करण्यात येणार आहेत.